Ma'den-i nur-ı nübüvvet mazhar-ı nur-ı celi
Şems-i eşref alem-i gayb oldu ana münceli
İbn-i Sultan-ı Necef ser-çeşme-i cümle veli
Kutb-ı salar-ı vilayet evliyanın efdali
Al-i Taha al-i Yasin Hazret-i Seyyid Ali
Server ü şah-ı mevali şahımız Kızıl Deli
Cedd-i paki pir-i erkan-ı Horasan'ın güli
Bağ-ı medhinde anın filcümle uşşak bülbüli
Kalbimizde oldu eşküfte mahabbet sünbüli
Al-i Taha al-i Yasin Hazret-i Seyyid Ali
Reh-nüma-yı rah-ı Hayder pişeva-yı evliya
Şeh-süvar-ı taht-ı irşad mefhar-i Al-i Aba
Alim-i el fakru fahri tarik-i tac u kaba
Varis-i sırr-ı Düvazdeh Ehl-i beyt-i Mustafa
Al-i Taha al-i Yasin Hazret-i Seyyid Ali
Kaşif-i ilm-i ledünni şah-ı milk-i şeş cihat
Bist ü heşt ü heft hattest an derin nakş-ı sıfat
Si vü dü içinde oldur nutkumuzda ayn-ı zat
Arifane men aref ile verir ab-ı hayat
Al-i Taha al-i Yasin Hazret-i Seyyid Ali
Nur-ı çeşm-i Mustafa ser-defter-i al-i Nebi
Cam-ı can-bahş-ı leb-i Hulkur-Rızadır meşrebi
Şah Huseyn-i Kerbela'dır atası cedd ü ebi
Ya'ni Zeynel-Abidin'dir rah-ı Ca'fer mezhebi
Al-i Taha al-i Yasin Hazret-i Seyyid Ali
Kuvvet-i kudsiyye-i Kazım Rıza'dır bi kusur
Şah Taki ile Naki'nin ab-ı ruyudur o nur
Askeri'dir hanedana sahil-i ehl-i nüşur
Nakd-i sırr-ı Mehdi-i sahib-zaman kıldı zuhur
Al-i Taha al-i Yasin Hazret-i Seyyid Ali
Tutya-yı dide-i dildir bize hak-i deri
Hak-i payı hadim-i dergahının tac-ı seri
Aciziz avnen lena minhum acayib mazharı
Kemter-i meddahıdır Derviş Kaasım kemteri
Al-i Taha al-i Yasin Hazret-i Seyyid Ali