Aşk imiş ışık veren ışıklara
Aşk imiş ateş veren yanıklara
Aşk imiş derde bırakan Adem'i
Aşk imiş deva veren aşıklara
Aşk imiş Mecnun eden Leyla için
Aşk imiş meftun eden Mevla için
Aşk imiş memnun eden bela için
Aşk imiş rehber olan sadıklara
Aşk imiş Mansur'unu dare takan
Aşk imiş Halil'i odlara yakan
Aşk imiş Eyyub'i derde bırakan
Aşk imiş layık olan tedbirlere
Aşk imiş cevheri künh-i alemin
Aşk imiş nusha-i kübra Adem'in
Aşk imiş hükm-ü Süleyman hatemin
Aşk imiş delil-i dil ayıklara
Aşk olmazsa meşk olmazdı insana
Ebu ced adem gelmezdi lisana
Aşk imiş okutan harfi Hicran'a
Aşk imiş Hançer-i Hak fasıklara