Barekallah Çapanoğlu Mir Seyyid Mustafa
İptidadır ceng-i evvel gör nice etti gaza
Avn-i Hakla Copur Abbas gibi namdar düşmanın
Gendisin ahzeyleyüb ceyşin kırıb sertü vü pa
Böyle bir cenk olmamıştır devr-i Adem'den beri
Bu hususta nice namdar üstüne dikti cüda
Atasının üstüne dahi tefavvuk eyledi
Zira kim ayrıksı oldu dediler işbu gaza
Hikmet-i Bari ile ansız böyle bir cenk oldu kim
Anadol ehli serapa korkudan buldu reha
Birikibin kapusuz gökler gibi gürler iken
İçlerinden katlolundu ahzolup ser-eşkiya
Anadolu'da olan cümle sigar ile kibar
Padişah-ı zülvekare ettiler hayır dua
Bundan ala padişah-ı aleme hizmetmolur
Anadolu ehli cümle buldu düşmandan reha
Hak Teala tül-ü ömriyle muammer eylesün
Şüphe yoktur rehber oldu ana Hızır evliya
Bir kula Bari Teala yürü kulum deyicek
Dayanur mu sad hezaran böyle ceyş-i eşkiya
Bahussus bu cenkte Mirim sadhezar zer sarfedüb
Olamaz tay hatemi tay ana ihsandan yana
İşbu ceng-i vahidün ke elf kabilinden olub
Mümkün olsa merdolan öz canını eyler feda
İşte tarih-i selef var ise görmüş söylesin
Böyle ayrıksı cengi böyle bir şir-i Hüda
Bu meseldir kim ki arslandan doğan arslan olur
Gör niçe atasını rahmetle andırdı şeha
Padişah-ı aleme dahi bu dem layık olan
Atası mansıbını verüb deye sad merhaba
Görülünce padişahtan böyle bir lütfu kerem
Uğruna her bir kulu öz canını eyler feda
Bu hakir de güş edüb Mirin bu merdaniyetin
Dedim ol demde yapam bir tarih-i ibretnüma