Dostum Bir An Tecelli Etse

Dostum bir an tecelli etse bi-perva bana

Gün gibi zahır olur dünya değil ukba bana

Ol kadar dolmuş gözüm gönlüm hayal-i yar ile

Kande baksam vech-i yari gösterir eşya bana

Sırr-ı aşkım ol kadar bulmuş kemal-i saltanat

Görse Mecnun'dan füzun tahsin eder Leyla bana

Tab-i aşk ile içim dışım kamu pür nürdur

Zerre gelmez şule-i mihr-i cihan-ara bana

Rind-i aşkım mest-i hayranım lebin atşanıyım

Sanma kim tesir kılmıştır mey-i sahba bana

Ol zaman kim hil'at-i insani giydim eğnime

Va'd-i didar eyledi ol şuh-ı bi-hemta bana

Neylesin Emrah sensiz hur-i ayn-i cenneti

Asitan-ı devletindir sevdiğim me'va bana