Ezelden Aşk Oduna Yana Geldim

Ezelden aşk oduna yana geldim

Anınçün ta ebed mestane geldim

Eğer nüş etmez isen sen bu meyden

Deme zahid ki ben insana geldim

İçe bir cür'a ger rahip bu meyden

Koyup küfrü diye imana geldim

Olan meyhane-i vahdette mey-nüş

Çağırır küfr ile imana geldim

Saray-ı vahdet olmuşken makamın

Bu kesret alemin seyrana geldim

Bu dehr içre görüp etme taaccüp

Çü gizli genç idim virane geldim

Var idi ilm-i ayne kabiliyyet

Görüben kendimi imana geldim

Çü birdir Sünbüli maruf-u arif

Edip dava deme irfana geldim