Çözdü hublar zülfünü aklım perişan ettiler
Raz-ı aşkın gönlümün halka nümayan ettiler
İd-gehte şehsüvar-ı dilberan bin naz ile
Geldiler sevdiklerim meydanda cevlan ettiler
Mah-ı nevler seyrin eylerken meyan-ı arsada
Esb-i naza çiğnetüp hak ile yek-san ettiler
Gerçi nezr etmiş idim kurbana canım anlara
İd-i vuslat gelmeden beyhude kurban ettiler
Seyf çeküp nev-res cevanlar kasda canım almaya
Ta ser-a pa cism-ü canım külli hicran ettiler
Dil-rübalar mülk-hüsne Dertli'yi nefy etmeğe
Geldiler bir araya hakkında ferman ettiler