Gider idim ben yol sora
Yavlak uzamış bir ağaç
Böyle latif böyle girin
Gönlüm eydür birkaç sır aç
Böyl'uzamak ne manadır
Çünkü bu dünya fanidir
Bu fuzulluk nişanıdır
Gel beri miskinliğe geç
Böyle latif bezenüben
Böyle şirin düzenüben
Gönül Hakka özenüben
Dilek nedir neye muhtaç
Ağaç karır devran döner
Kuş budağa bir kez konar
Dahi sana kuş konmamış
Ne güvercin ne hod duraç
Bir gün sana zeval ere
Yüce kaddin ine yere
Budakların oda gire
Kaynaya kazan kıza saç
Yunus imdi sen bir nice
Eksikliğin yüz bin anca
Kur'ağaca yol sorunca
Teferrüçle yoluna geç