Gül isteyi bir bülbülüm bu bağa ötmeğe geldim
Nale vü ah-u zar ile gülzara yetmeğe geldim
Hicab oldu benlik bana gidemedim dosttan yana
Ben benliğimden geçmeğe şeyh elin tutmağa geldim
Evliyanın tuttum elin haktır bildim doğru yolun
Mürşidin hakikat balın elinden almağa geldim
Erisin bağrımda başlar aksın gözümdeki yaşlar
Eski dertliyim kardaşlar derde dert katmağa geldim
Seyyid Nizamoğlu ile gelen gelsin bu hak yola
Ceddim Muhammed Ali'yle birliğe yetmeğe geldim