Katre katre eşk-i hasret etmede ter damenüm
Çak çak etdüm gaminden subha dek pirahenüm
Lahza lahza ah-i ateş-bardan her barıka
Şu'le şu'le zer-feşan etdi şeha piramenüm
Hire hire dideler olmuş hayal'i zülf ile
Halka halka oldu her bir paresi bir me'menüm
Rize rize dane-i eşküm akar bu dideden
Şerha şerha eyledi elmas vari hep tenüm
Fırka fırka kuy-i yarı etmesün apyar seyr
Vara vara gitmesün elden Nihani meskenüm