Könlüm Seni İster

Yüz mah-i münevver ola könlüm seni ister

Yüz şems-i müdevver ola könlüm seni ister

Yüz serv-i senuber ola könlüm seni ister

Yüz sagi-yi kövser ola könlüm seni ister

Yüz gamet-i er'er ola könlüm seni ister

Yüz mah-i lisal afet-i can gözleri hummar

Yüz sib-i zenen gönçe dehen nergiz-i bimar

Yüz zülfü perişan ü belacü büt-i hunhar

Yüz gaşı kaman şuh perizad-i cafakar

Yüz kipriyi hençer ola könlüm seni ister

Yüz le'li göherbar ola yüz gülşen-i rengin

Yüz gaşı kaman ince miyan lebleri şirin

Yüz gamet-i re'na ola yüz kakili pürçin

Yüz mah-i melahet but-i ziba gül-i nesrin

Yüz zülfü müenber ola könlüm seni ister

Yüz sim beden ince miyan gözleri mestan

Yüz dilber ola hüriliga nazik-i püstan

Yüz hali habeş gerdeni mina het-i reyhan

Yüz sinesi mermer dişi dür afet-i dövran

Yüz bakire dühter ola könlüm seni ister

Yüz şahid-i Şiraz ü Heleb Misr ü Semergend

Yüz ziynet-i alem ferehfeza şem-i ferhend

Yüz şem-i dilefruz ola yüz le'l-i şekerhend

Yüz men kimi biçara Kerim hüsnüne hesbend

Cümle sana çaker ola könlüm seni ister