Ma'den-i kan-ı kerem Şah-ı Necef
Her kime kılsa nazar buldu şeref
Murtaza'dır kaşif-i kenz-ül-ulum
Hadi-i ilm-i ilahi men aref
Mazhar-ı Hak kendüdür ol ayn-ı zat
Bakasın öz hikmetidir her taraf
Kim ki hemdem olmadı irfan ile
Geçti anın sohbeti ömrü telef
Can gıdasın eyle tahsil iy gönlü
Bulunur her guşede ab ü alef
Kazanan ahret azuğın daima
Verdi nakdin süfleye her dem selef
Kavl-i Ca'fer'le Kalender yol varan
Oldurur Şah oğlu ferzend-i halef