Pa-bürehne kazak abdal ü fena fahr-i mezid
Fakr ile fahredenin daim ola fahri mezid
Car darb ile baka milkine sultan geçinür
Genc-i tecride miyan-bend ile palheng kelid
Işk tennuresini bağlan iradet beline
Rişte-i çerhdürür boynuna her cism-i mezid
Işk ile döne döne sine kudumun çalarak
San fena beğleridür zümre-i ehl-i tecrid
Sinede şerha ile tende olan dağlar kim
Gül ü sünbülleridür bağ-ı iradette bedid
Zahirin saklamağa elde dayağı muhkem
Nola ser-deste ile kendözün etse tehdid
Edemez ham teberi örküne bir dahı tıraş
Yaramaz ma'rifete bin çelik urulsa hadid
Besdür abdale nemed nan ü kenetli keçkul
Sek-i nefse yedüre anda sefal ile tirid
Bergüzar oldu tarikatta yek abus-ı niyaz
Oldu meydan-ı hakıykatte niyazı tevhid
Pirler sikkesini suret edenler mahza
Sikke-i saf olamaz kalbidürür semm-i sefid
Nazar-ı pir-i tarikatte kim olmaz uryan
Çal ana yuf borusun mürşididür div-i anid
Pend-i piran-ı tarikat kulağa dürr-i Necef
Kutb-ı evlad-ı Ali kalbidürür verd-i verid
Hanedan düşmenini sevme sakın iy Şiri
La'netullahi Yeziden ve ala ali Yezid