Nur-ı vechin elverir hurşid-i taban olmasın
Kadd-i mevzunun yeter serv-i hiraman olmasın
İns-ü cin-ü div piri hep musahhar kılmağa
Hatem-i la'lin yeter mühr-i Süleyman olmasın
Perde çek zülf-i siyahınla buluttan ruyuna
Mah hacalet çekmesin hurşid perişan olmasın
Arzu kılmak Bihişt'in ekl-ü şürbün ehl-i aşk
Lezzet-i aşktır ana Firdevs-ü Rıdvan olmasın
Ehl-i aşk camlar içer imanı artar şevk ile
Sofiye bal şerbeti olsun da iman olmasın
Derd-i aşkın define tedbir-i derman eyleme
Ölmeyince derdine ey Dertli derman olmasın